گوجرانوالہ: (دنیا نیوز) اینٹی کرپشن کورٹ گوجرانوالہ نے کرپشن کے دو مقدمات میں سابق وزیراعلیٰ پنجاب چودھری پرویز الہٰی کی عبوری ضمانت میں یکم جون تک توسیع کر دی۔
سابق وزیراعلیٰ پنجاب چودھری پرویز الہٰی کے وکیل نے ان کی بیماری کی بنیاد پر حاضری سے استثنیٰ کی درخواست دی تھی جسے اینٹی کرپشن عدالت نے منظور کر لیا، درخواست کے ساتھ پرویز الہٰی کی میڈیکل رپورٹ بھی لگائی گئی تھی۔
ڈپٹی ڈسٹرکٹ پبلک پراسیکیوٹر یوسف سندھو نے چودھری پرویز الہٰی کی درخواست کی مخالفت کی، ایف آئی آرز میں چودھری پرویز الہٰی پر ترقیاتی سکیم میں 2 ارب روپے رشوت لینے کا الزام ہے۔
