لاہور: (دنیا نیوز) وفاقی دارالحکومت اسلام آباد سمیت ملک کے مختلف شہروں میں زلزے کے شدید جھٹکے محسوس کیے گئے ہیں۔
اسلام آباد سمیت لاہور، گوجرانوالا، جہلم، حافظ آباد، چیچہ وطنی، سیالکوٹ، منڈی بہاؤالدین، شکرگڑھ، ظفروال، سیالکوٹ اور اطراف کے علاقوں میں بھی زلزلے کے شدید جھٹکے محسوس کیے گئے، زلزلے کے جھٹکے دوپہر 1 بجکر 6 منٹ پر محسوس کیے گئے۔
خیبرپختونخوا کے بڑے شہروں سوات، صوابی اور گردونواح میں بھی زلزلے کے جھٹکے محسوس کیے گئے، آزاد کشمیر میں مظفرآباد، دھیرکوٹ، سماہنی، باغ، وادی نیلم اور گردونواح میں بھی زلزلے کے جھٹکے محسوس کیے گئے۔
#Earthquake in Many Parts of Northern Areas and Punjab. #Lahore , #Islamabad Magnitude 5.7mg Recorded. Tell Us about Your Area Situation.
— Weather Updates PK (@WeatherWupk) June 13, 2023
Weather Updates PK 2.0 - Jawad Memon / Pakistan Doppler (Former Karachi Doppler) pic.twitter.com/rfmoAeDKFC
زلزلہ پیما مرکز کے مطابق زلزلے کی شدت 5 اعشاریہ 6 ریکارڈ کی گئی ہے جبکہ اس کی گہرائی 10 کلو میٹر تھی، زلزلے کے زوردار جھٹکوں سے شہریوں میں خوف وہراس پھیل گیا، لوگ کلمہ طیبہ کا ورد کرتے گھروں سے باہر نکل آئے۔
