اسلام آباد: (دنیا نیوز) وزیراعظم شہباز شریف نے کہا ہے کہ سیلاب کے باعث پاکستان کو 30 ارب ڈالر کا نقصان اٹھانا پڑا، عالمی برادری شرم الشیخ کاپ27 میں کئے گئے وعدے پورے کرے۔
وزیراعظم پاکستان شہباز شریف نے سماجی رابطوں کی ویب سائٹ ٹوئٹر پر پیغام جاری کرتے ہوئے کہا ہے کہ نئے عالمی مالیاتی معاہدے کیلئے سربراہی اجلاس میں عالمی رہنماؤں کی توجہ اہم امور پر مبذول کرائی ہے، پاکستان سمیت ترقی پذیر ممالک معاشی چیلنجز کی وجہ سے مختلف مسائل سے دوچار ہیں۔
As part of my interactions during the Summit for a New Global Financing Pact, I drew world leaders attention to the exogenous shocks that created polycrisis for developing countries like Pakistan. These shocks resulted in stalling growth, supply chain disruptions caused…
— Shehbaz Sharif (@CMShehbaz) June 23, 2023
شہباز شریف نے کہا ہے کہ مختلف مسائل کے باعث ان ممالک کی ترقی میں خلل پڑا ہے، عالمی سطح پر اجناس کی قیمتوں میں اضافہ مہنگائی کا باعث بنا ہے، موسمیاتی تبدیلیوں کے باعث پاکستان کو سیلاب جیسی آفات کا سامنا رہا، سیلاب کے باعث پاکستان کو 30ارب ڈالر کا نقصان اٹھانا پڑا، عالمی برادری شرم الشیخ کاپ27میں کئے گئے وعدے پورے کرے۔
وزیراعظم نے مزید کہا ہے کہ مالیاتی تفریق کے ختم نہ ہونے سے پائیدار ترقی اہداف کے حصول میں رکاوٹیں پیش آرہی ہیں، دنیا معاشی اور ماحولیاتی چیلنجز کو مواقع کے طور پر لے کر سمت درست کرے، عالمی مالیاتی ڈھانچے کا مقصد ترقی کے عمل کو تیز کرنا اور ماحولیاتی انصاف ہونا چاہیے۔
