اسلام آباد: (دنیا نیوز) نگران وزیراعظم انوار الحق کاکڑ سے ان کے آبائی علاقے کان مھترزئی کے عمائدین کے وفد نے ملاقات کی۔
ملاقات میں وفد نے انوار الحق کاکڑ کو وزارت عظمیٰ کا منصب سنبھالنے پر مبارکباد پیش کی اور ان کو روایتی پگڑی پہنائی۔
وفد نے نگران وزیراعظم کو علاقے کیلئےگرڈ سٹیشن کی درخواست کی، وزیراعظم نے وفد کو علاقے کیلئے گرڈ سٹیشن اور بلوچستان کے تمام دیرینہ مسائل کو ترجیحی بنیادوں پر حل کرنے کی یقین دہانی کرائی۔
