اسلام آباد: (دنیا نیوز) سپریم کورٹ آف پاکستان نے ہائی کورٹس کے تضادات والے فیصلوں کی فہرستیں مرتب کرنے کا حکم دے دیا۔
سپریم کورٹ کے رجسٹرار آفس کی جانب سے پانچوں ہائی کورٹس کے فیصلوں میں تضادات کے معاملے میں اہم سرکلر جاری کیا گیا ہے، سرکلر میں تضادات پر مبنی فیصلوں کی فہرستیں تیار کرنے کا کہا گیا ہے۔
سرکلر کے مطابق سپریم کورٹ میں ہائی کورٹس کے فیصلوں کے خلاف اپیلیں زیرِ التواء ہیں، ہائی کورٹس کے چیلنج کئے گئے فیصلوں میں تضادات کی نشاندہی ہوئی ہے۔
رجسٹرار آفس کی جانب سے جاری کردہ سرکلر میں ہدایت کی گئی ہے کہ متعلقہ آفس 15 دنوں میں ہائی کورٹس کے تضادات پر مبنی فیصلوں کی فہرست تیار کر کے جمع کرائیں۔
