پاکستان
خلاصہ
- لاہور: (دنیا نیوز) انسداد دہشت گردی عدالت نے 9 مئی کے مقدمات میں نامزد ملزمان ڈاکٹر یاسمین راشد اور اعجاز چودھری سمیت دیگر پی ٹی آئی رہنماؤں کے جوڈیشل ریمانڈ میں 14 روز کی توسیع کر دی۔
انسداد دہشت گردی عدالت کے ڈیوٹی جج ارشد جاوید نے کیس کی سماعت کی، پی ٹی آئی رہنماؤں ڈاکٹر یاسمین راشد، اعجاز چودھری اور میاں محمود الرشید کو عدالت میں پیش کیا گیا۔
ملزمان کو جوڈیشل ریمانڈ کی معیاد ختم ہونے پر عدالت میں پیش کیا گیا جہاں تفتیشی افسر نے ملزمان کی جوڈیشل ریمانڈ میں مزید توسیع کی استدعا کر دی۔
عدالت نے تفتیشی افسر کی استدعا منظور کرتے ہوئے ملزمان کو 25 نومبر کو دوبارہ پیش کرنے کا حکم دے دیا، ملزمان پر تھانہ شادمان کو نذر آتش کرنے کا الزام ہے۔
