اسلام آباد : (دنیانیوز) ڈسٹرکٹ اینڈ سیشن کورٹس اسلام آباد میں چیئرمین پی ٹی آئی اور بشری بی بی کے خلاف مبینہ غیر شرعی نکاح کیس درخواست گزار محمد حنیف نے واپس لے لیا۔
ڈسٹرکٹ اینڈ سیشن کورٹس اسلام آباد میں سول جج قدرت اللہ کی عدالت میں سماعت ہوئی ، درخواست گزار محمد حنیف اپنے وکیل فواد حیدرکے ہمراہ عدالت پیش ہوئے۔
درخواست گزار نے عدالت میں مؤقف اختیار کیا کہ کیس کی سماعت25 نومبر کو مقررہے ، تکنیکی بنیاد پر کیس واپس لینا چاہتا ہوں۔
عدالت نے درخواست منظور کرتے ہوئے کیس خارج کردیا۔
درخواست گزار نے چیئرمین پی ٹی آئی اور بشری بی بی پر دوران عدت نکاح کرنے کا الزام عائد کررکھاتھا ۔
