سمارٹ لاک ڈاؤن بھی کام نہ آیا، لاہور میں سموگ کا راج برقرار

Published On 28 November,2023 09:30 am

لاہور: (دنیا نیوز) سمارٹ لاک ڈاؤن بھی کام نہ آیا، صوبائی دارالحکومت لاہور کو سموگ سے نجات نہ مل سکی۔

فضائی آلودگی سے معمولات زندگی متاثر ہو کر رہ گئے ہیں، شہر کا ہر منظر دھندلا گیا۔

آج بھی فضائی آلودگی میں لاہور کا پہلا نمبر ہے جبکہ کراچی تیسرے نمبر پر ہے، لاہور میں اے کیو آئی 288 اور کراچی میں 228 ریکارڈ کیا گیا ہے۔

یہ بھی پڑھیں:پنجاب حکومت کا سموگ پر قابو پانے کیلئے چین سے مشاورت کا فیصلہ

دوسری جانب پنجاب حکومت نے مصنوعی بارش برسانے کیلئے ورکنگ شروع کر دی ہے اور لاہور میں مصنوعی بارش برسانے کے منصوبے پر عملدرآمد کیلئے ورکنگ گروپ قائم کر دیا گیا ہے۔

ادھر سموگ سے دمے اور کھا نسی کے مریضوں میں روز بروز اضافہ ہونے لگا ہے، گزشتہ چند دنوں کے دوران سموگ سے متاثرہ ہزاروں افراد نے علاج معالجے کیلئے ہسپتالوں کا رخ کیا۔

طبی ماہرین نے شہریوں کواحتیاطی تدابیر اختیار کرنے کا مشورہ دیا ہے۔
 

Advertisement