اسلام آباد: (دنیا نیوز) پاکستان میں عراق کے سفیر حامد عباس لفتہ نے نگران وزیر مذہبی امور انیق احمد سے ملاقات کی جس میں دوطرفہ تعلقات، مذہبی سیاحت اور ثقافت کے شعبہ میں تعاون بڑھانے سے متعلق تبادلہ خیال کیا گیا۔
ملاقات میں بغداد اور کربلا میں پاکستانی زائرین کیلئے پاکستان ہاؤس کی تعمیر پر بھی تفصیلی گفتگو کی گئی۔
دوران گفتگو نگران وزیر برائے مذہبی امور انیق احمد نے کہا کہ عراق کے ساتھ پاکستان کے دیرینہ برادرانہ تعلقات ہیں، عراق اور پاکستان کے عوام میں عقیدت، محبت اور اخلاص کے رشتے ہیں۔
انیق احمد نے بتایا کہ سیاحت کے فروغ اور زائرین کی سہولت پر مبنی زیارت پالیسی وضع کی ہے، زیارتیں کروانے والی نجی کمپنیاں حکومتی سطح پر رجسٹر کی جائیں گی۔
