لودھراں: (دنیا نیوز) استحکام پاکستان پارٹی کے چیئرمین جہانگیر ترین نے کہا کہ ملک کی ترقی اور بہتری کیلئے معیشت کا بہتر ہونا انتہائی ضروری ہے۔
استحکام پاکستان پارٹی کے چیئرمین جہانگیر ترین نے کہا کہ آپ لوگوں نے بتا دیا ہم تھوڑے بھی ہیں تو غالب ہیں، ہر ملک اور قوم کی بنیاد معیشت پر ہوتی ہے، معیشت بہتر ہو گی تو لوگوں کو فائدہ ہو گا، مجھے خوشی ہے کہ یہاں آنے کا فیصلہ کیا۔
چیئرمین آئی پی پی نے مزید کہا کہ ہمارا اصل کام ملک کو فائدہ پہنچانا ہے، لودھراں کے عوام کا شکرگزار ہوں کہ ہمیشہ مجھ پر اعتماد کیا، ہارون آباد میں 1992ء میں آیا تھا، ہارون آباد والوں میں بہت جوش و جذبہ ہے۔
