لاہور: (دنیا نیوز) پنجاب کی بیوروکریسی نے مسلم لیگ ن کی جانب سے نامزد وزیراعلیٰ مریم نواز کو رپورٹ کرنا شروع کر دیا۔
چیف سیکرٹری پنجاب زاہد اختر زمان نے مریم نواز سے جاتی امرا میں ملاقات کی، چیف سیکرٹری نے مریم نواز کو صوبے کے حوالے سے تفصیلی بریفنگ دی اور مریم نواز کو منصب کے لیے نامزدگی پر مبارکباد بھی دی۔
واضح رہے کہ مسلم لیگ ن کے قائد میاں نواز شریف نے مریم نواز کو پنجاب کی وزارت اعلیٰ کیلئے نامزد کیا ہے جبکہ شہباز شریف کو وزیراعظم کیلئے نامزد کیا گیا ہے۔
