لاہور: (دنیا نیوز) وزیر اعلیٰ پنجاب مریم نواز شریف نے مثبت جمہوری تاریخ قائم کر دی، پنجاب اسمبلی کے اجلاس میں وزیر اعلیٰ مریم نواز خود چل کر اپوزیشن رہنما رانا آفتاب احمد خان کی نشست پر گئیں۔
مریم نواز شریف نے رانا آفتاب احمد خان کے لئے خیر سگالی کے جذبے کا اظہار کیا، انہوں نے کہا کہ انتخاب کے دن آپ سے میری ملاقات نہ ہو سکی، اس دن بھی چاہتی تھی کہ آپ ایوان میں ہوتے، یہی کہنے آئی ہوں کہ آپ سب کے لئے میرے دروازے کھلے ہیں۔
وزیر اعلیٰ پنجاب مریم نواز شریف نے کہا کہ جتنی حکومتی ارکان کی وزیر اعلیٰ ہوں، اتنی ہی آپ کی بھی ہوں۔
— PMLN (@pmln_org) February 28, 2024
رانا آفتاب احمد خان نے آمد پر وزیر اعلیٰ پنجاب مریم نواز شریف کا شکریہ ادا کیا، رانا آفتاب نے کہا کہ اس دن کوئی جگہ بتا دی جاتی تو ہم آ جاتے۔
مریم نواز شریف نے کہا کہ میں نے اس دن لوگوں کو آپ کے پیچھے بھیجا، میں نے پوری کوشش کی کہ آپ اس عمل میں شریک ہوں۔
