رؤف حسن حملہ کیس میں پیشرفت، خواجہ سرا مہران گاڑی میں سوار ہو کر آئے

Published On 29 May,2024 06:29 pm

اسلام آباد: (دنیا نیوز) پی ٹی آئی ترجمان رؤف حسن حملہ کیس میں پیشرفت سامنے آگئی، تفتیشی ذرائع کے مطابق خواجہ سرا گاڑی پر سوار ہو کر ستارہ مارکیٹ پہنچے تھے۔

ذرائع کے مطابق خواجہ سراؤں نے بلیک رنگ کی مہران گاڑی استعمال کی، ٹیم نے دو کلومیٹر تک کی سیف سٹی فوٹیج حاصل کر لی۔

واقعے کے حوالے سے پرائیویٹ سی سی ٹی وی کی چھان بین جاری ہے، گاڑی کے مکمل روٹ کی چھان بین کی جارہی ہے۔

تفتیشی ذرائع کے مطابق حملہ آوروں کے حوالے سے نادرا رپورٹ کا انتظار ہے، زیادہ میک اپ کے باعث چہروں کی شناخت کے امکانات کم ہیں، زیر استعمال گاڑی کے حروف مدہم ہونے کے باعث ڈیٹا نہ مل سکا۔