پاکستان
خلاصہ
- اسلام آباد: (دنیا نیوز) وزیراعظم محمد شہبازشریف نے کہا کہ فلسطین میں خون کی ہولی کھیلی جارہی ہے، 40 ہزار سے زائد فلسطینی شہید کئے جاچکے ہیں، ہر روز لاشیں گرائی جارہی ہیں، شہروں کو زمین بوس کیا جا رہا ہے۔
محمد شہبازشریف نے کہا کہ تہران میں جو واقعہ ہوا دنیانے شدید الفاظ میں اسکی مذمت کی، راکٹ کے ذریعے اسماعیل ہانیہ کو شہید کیا گیا، بین الاقوامی قوانین کو پاؤں تلے روندا گیا، ملائیشیا، ترکی ودیگرممالک نے اسماعیل ہانیہ کے قتل کی مذمت کی، اسطرح کی درندگی پر دنیا کا خاموش ہونا لمحہ فکریہ ہے۔
محمد شہبازشریف نے مزیدکہا کہ عالمی عدالت کے فیصلے کے بعد بھی اسرائیل کے ہاتھ نہیں روکے جاسکے، نیتن یاہو درندگی کر رہا ہے، اسرائیلی فوج تباہی کررہی ہے۔
