علی پورچٹھہ:(دنیا نیوز) خانکی بیراج ہر قسم کی ٹریفک کے لیے بند کردی گئی، راستہ نہ ملنے پر باراتیوں نے دولہا کو کاندھوں پر اٹھا لیا۔
باراتیوں نے کاندھوں پر اٹھائے دولہا کو چناب پل پار کرایا، اس موقع پر دولہا کا کہنا تھا کہ گاڑی کو راستہ بے شک نہ ملے، دلہن تو لانی ہے ناں، انتظامیہ راستہ روکے رکھو، دلہن لینے پیدل چلا جاؤں گا۔
دوسری جانب ہیڈ خانکی پل بلاک ہونے کے باعث بارات کافی دیر پھنسی رہی، دلہا اور اس کے بھائی کی پولیس کو منت سماجت کے بعد دلہا کوبارات گجرات لے جانے کی اجازت مل گئی۔
خیال رہے پی ٹی آئی کے احتجاج کے دوران جہلم کی اہم شاہراہوں پر بھی کنٹینر کھڑے کردیے گئے ، فیصل آباد کے داخلی راستے بھی بند ہیں، لاہور، پشاور اور فیصل آباد سے اسلام آباد کیلئے جانے والی موٹر ویز بھی بند کردی گئيں۔
