لاہور:(دنیا نیوز ) پنجاب کے متعدد اسسٹنٹ کمشنرز کے تقرر و تبادلوں کے احکامات جاری کردیئے گئے۔
محکمہ ایس اینڈ جی اے ڈی کے مطابق اسسٹنٹ کمشنر چنیوٹ سیف السلام شیخوپورہ جبکہ اشفاق رسول کو اسسٹنٹ کمشنر چنیوٹ تعینات کردیا گیا۔
اسی طرح احمد علی رضا اسسٹنٹ کمشنر جنڈ جبکہ ماہم مشتاق کو اسسٹنٹ کمشنر ڈسکہ کے عہدے سے ہٹا کر ایس اینڈ جی اے ڈی رپورٹ کرنے کا حکم دیا گیا ہے ، ان کی جگہ زوہیب ممتاز کو اے سی ڈسکہ تعینات کیا گیا ہے۔
علاوہ ازیں احمد شیر اسسٹنٹ کمشنر کھاریاں ، قرہ العین اسسٹنٹ کمشنر بہاولپور صدر تعینات ہوئیں ، محکمہ سروسز اینڈ جنرل ایڈمنسٹریشن ڈیپارٹمنٹ کی جانب سے نوٹیفکیشن جاری کردیا گیا۔
