بلاول بھٹو سے پارٹی رہنماؤں کی زرداری ہاؤس میں ملاقاتیں

اسلام آباد: (دنیا نیوز) پاکستان پیپلز پارٹی کے چیئرمین بلاول بھٹو زرداری سے پارٹی رہنماؤں نے زرداری ہاؤس میں ملاقاتیں کیں۔

بلاول بھٹو زرداری سے رکن قومی اسمبلی میر غلام علی تالپور نے ملاقات کی، اس موقع پر بدین کے عوام کے مسائل اور ان کے حل سے متعلق اقدامات پر بریفنگ دی گئی۔

چیئرمین پیپلز پارٹی سے پی پی پی رہنما اور سابق وفاقی وزیر امتیاز صفدر وڑائچ نے زرداری ہاؤس میں ملاقات کی، اس موقع پر پنجاب کی سیاسی صورت حال پر بات چیت ہوئی۔

بلاول بھٹو زرداری سے بینظیر انکم سپورٹ پروگرام کی چیئرپرسن روبینہ خالد نے زرداری ہاؤس میں ملاقات کی، اس موقع پر بی آئی ایس پی کے تحت چلنے والے منصوبوں سے متعلق بریفنگ دی گئی۔

پاکستان پیپلزپارٹی کے چیئرمین سے پی پی پی خیبرپختونخوا کے رابطہ سیکرٹری فرزند علی وزیر نے زرداری ہاؤس میں ملاقات کی، اس موقع پر خیبرپختونخوا کی سیاسی صورت حال پر بات چیت ہوئی۔

بلاول بھٹو زرداری سے پی پی پی پنجاب کے جنرل سیکرٹری حسن مرتضیٰ نے زرداری ہاؤس میں ملاقات کی، اس موقع پر پی پی پی پنجاب کی تنظیمی صورتحال پر گفتگو ہوئی، ملاقات کے موقع پر سابق رکن پنجاب اسمبلی عائشہ نواز چودھری بھی ہمراہ تھیں۔