لاہور: (دنیا نیوز) حالیہ مون سون بارشوں کے پیش نظر محکمہ سیاحت پنجاب نے ایڈوائزری جاری کر دی۔
محکمہ سیاست پنجاب کی جانب سے فیلڈ دفاتر کو ضلعی انتظامیہ اور ایمرجنسی آپریشن سینٹرز سے مسلسل رابطے میں رہنے کی ہدایت کی گئی ہے۔
ایڈوائزری کے مطابق تمام سیاحتی و تاریخی مقامات پر ایمرجنسی کنٹرول روم قائم کئے جائیں گے، ریسکیو اور ضلعی انتظامیہ سے رابطے کے لیے فوکل پرسن تعینات کرنے کی بھی ہدایت کی گئی ہے۔
محکمہ سیاست پنجاب کی جانب سے عملے کو ایمرجنسی ریسکیو اور ابتدائی طبی امداد کے لئے الرٹ رہنے کی تاکید اور تمام سیاحتی مقامات پر ایمرجنسی نمبرز آویزاں کرنے کی ہدایت کی گئی ہے۔
ایڈوائزری کے مطابق دریاؤں، ندی نالوں اور ممکنہ خطرے والے علاقوں میں داخلہ محدود ہو گا، سیاح سفر سے پہلے محکمہ موسمیات کی تازہ ترین اپ ڈیٹس سے باخبر رہیں۔
محکمہ سیاست پنجاب کی جانب سے عوام الناس سے شدید بارش یا سیلابی صورتحال میں سفر محدود رکھنے کی اپیل کی گئی اور کہا گیا کہ سیاح کسی بھی ایمرجنسی صورت حال میں ہنگامی نمبروں پر رابطہ کریں۔
