گوادر میں ترقی کا نیا باب، جدید عوامی پارک کا شاندار افتتاح

گوادر: (دنیا نیوز) گوادر میں شہریوں کیلئے تفریحی سہولتوں کے فروغ کی جانب ایک اہم قدم اٹھاتے ہوئے جدید عوامی پارک کا شاندار افتتاح کر دیا گیا۔

افتتاحی تقریب میں جی او سی اور ڈپٹی کمشنر گوادر کی خصوصی شرکت نے بھرپور عوامی پذیرائی حاصل کی۔

جی ڈی اے کے ڈائریکٹر جنرل، ایس ایس پی پولیس اور دیگر اعلیٰ افسران بھی افتتاحی تقریب میں موجود تھے، تقریب میں گوادر کی شہری ترقی میں منصوبہ کی اہمیت اور کردار کو اجاگر کیا گیا۔

تقریب سے خطاب کرتے ہوئے مقررین نے کہا کہ ڈیجیٹل نظم و نسق اور شہری ترقی وژن کے تحت گوادر کو سرسبز، جدید اور ترقی یافتہ ساحلی شہر بنانے کیلئے اقدامات تیزی سے جاری ہیں۔

ان کا کہنا تھا کہ یہ نیا عوامی پارک نہ صرف شہریوں کیلئے معیاری تفریحی سہولتیں فراہم کرے گا بلکہ گوادر کے جدید انفراسٹرکچر اور ساحلی خوبصورتی میں بھی نمایاں اضافہ کرے گا، یہ منصوبہ شہریوں کے معیارِ زندگی میں بہتری اور سماجی سرگرمیوں کے فروغ کیلئے اہم پیش رفت ثابت ہوگا۔