اسلام آباد: (دنیا نیوز) ڈسٹرکٹ اینڈ سیشن کورٹس اسلام آباد نے سابق وزیراعلیٰ خیبرپختونخوا علی امین گنڈا پور کے وارنٹ گرفتاری جاری کر دیئے۔
سابق وزیراعلیٰ خیبرپختونخوا علی امین گنڈا پور سمیت دیگر کیخلاف حقیقی آزادی مارچ کیسز کے معاملے پر عدالت نے 2 مقدمات میں علی امین گنڈا پور کے وارنٹ گرفتاری جاری کردیئے۔
جوڈیشل مجسٹریٹ مبشر حسن چشتی نے کیس پر سماعت کی، علی امین گنڈا پور متعدد بار طلبی کے باوجود عدالت پیش نہیں ہورہے،عدالت نے کیس کی مزید سماعت 8 جنوری تک ملتوی کردی۔
بانی پی ٹی آئی، شاہ محمود قریشی، زرتاج گل ودیگر دونوں مقدمات سے بری ہوچکی ہیں، علی امین گنڈا پور ودیگر کیخلاف تھانہ بارہ کہو میں 2 مقدمات درج ہیں۔
