پولیس کے مطابق مقدمہ چیف انسٹرکٹر سول ڈیفنس راشد رفیق کی مدعیت میں تھانہ گلبرگ میں درج کیا گیا، مقدمے میں ہوٹل کے مالک ندیم مرزا، فضیل احمد خان، عاطف محمد، کامل خان، بلال شاہ اور محمد مصائب کو نامزد کیا گیا ہے۔

ایف آئی آر کے متن کے مطابق ہوٹل کی بیسمنٹ میں غیر قانونی بوائلر نصب تھا، جسے سوئی گیس کے غیر قانونی کنکشن کے ذریعے چلایا جا رہا تھا، بوائلر چلانے والا شخص ناتجربہ کار تھا، جس کے باعث حادثے کا خدشہ بڑھ گیا۔

ایف آئی آر میں بھی بتایا گیا ہے کہ ہوٹل انتظامیہ کو اس سے قبل حفاظتی اقدامات مکمل نہ ہونے پر نوٹس جاری کیا جا چکا تھا، تاہم اس کے باوجود غفلت برتی گئی۔

پولیس نے واقعے کا مقدمہ مختلف دفعات کے تحت درج کر کے مزید تحقیقات کا آغاز کر دیا ہے۔