محکمہ جنگلات اور جنگلی حیات کے عملے نے خفیہ اطلاع پر کارروائی کرتے ہوئے ہنس نسل کی 44 بطخیں برآمد کر لیں۔

وزیراعلیٰ پنجاب مریم نوازشریف کی ہدایت پر سائیبریا سے ہجرت کرنے والے آبی پرندے ’بارہیڈڈ گیز‘ کل (پیر کو) آزاد کئے جایئں گے۔

رپورٹ کے مطابق تمام پرندے نہایت صحت مند ہیں، محکمہ جنگلات اور جنگلی حیات کی ٹیم کی پرندوں کے معائینہ کے بعد بارہیڈڈ گیز کو کالا خطائی کے نیشنل پارک سے فضا میں چھوڑا جائے گا، غیرقانونی دھندے میں ملوث دو ملزمان کے خلاف ایف آئی آر بھی درج کر لی گئی جبکہ کارروائی پنجاب وائلڈ لائف ایکٹ 2025 کی خلاف ورزی پر کی گئی ہے۔

وائلڈ لائف ایکٹ 2025 کے تحت جانوروں اور پرندوں کے غیرقانونی سمگلنگ کا جرم ناقابل ضمانت ہے۔

وزیراعلیٰ پنجاب مریم نوازشریف نے محکمہ جنگلات اور جنگلی حیات کی تمام ٹیم کو شاباش دی جبکہ پنجاب حکومت نے غیرقانونی سرگرمی میں ملوث عناصر کی اطلاع دینے والے شہری کا شکریہ بھی ادا کیا۔