وفاقی وزیر عطا اللہ تارڑ نے کہا کہ آپریشن غضب للحق کے دوران افغان طالبان رجیم کو بھاری جانی و مالی نقصان اٹھانا پڑا۔

انہوں نے بتایا کہ کارروائیوں کے نتیجے میں افغان طالبان رجیم کے 464 کارندے ہلاک جبکہ 665 سے زائد زخمی ہوئے، 188 چیک پوسٹیں تباہ کی گئیں اور 31 پوسٹوں پر قبضہ کر لیا گیا۔

وفاقی وزیرِ اطلاعات کے مطابق 192 ٹینک، بکتر بند گاڑیاں اور آرٹلری گنز بھی تباہ کی گئیں، انہوں نے کہا کہ افغانستان بھر میں 56 مختلف مقامات کو فضائی کارروائی کے ذریعے مؤثر طور پر نشانہ بنایا گیا۔

عطا اللہ تارڑ کا کہنا تھا کہ آپریشن کے مقاصد کے حصول کے لیے کارروائیاں مؤثر انداز میں جاری رہیں اور دشمن کو بھاری نقصان پہنچایا گیا۔