عوامی اجتماع سے خطاب کرتے ہوئے خواجہ آصف نے کہا کہ ان کے آباؤ اجداد کی تین نسلوں کا تعلق کشمیر سے ہے اور کشمیر کے معاملے پر ہم سب ایک ہیں۔

انہوں نے کہا کہ لندن میں بیٹھے بعض عناصر کشمیریوں میں تقسیم نہ پھیلائیں، یہ لوگ 1952 سے وہاں مقیم ہیں۔

وزیر دفاع کا کہنا تھا کہ افواج پاکستان پر تنقید کرنے والوں کی مالی معاونت کی جاتی ہے، پاک فوج کے جوان سیاچن سے لے کر نیلم وادی تک ملک کے دفاع کے لیے قربانیاں دے رہے ہیں۔

انہوں نے کہا کہ سب کو کشمیر کی بہتری اور اتحاد کے لیے کام کرنا چاہیے، نہ کہ بیرون ملک بیٹھ کر اختلافات کو ہوا دینی چاہیے۔