روس کے صدر ولادیمیر پیوٹن نے اپنے پیغام میں پاکستان کے یوم آزادی پر مبارکباد پیش کی اور پاکستان کے عوام کے لیے امن ،خوشحالی اور نیک خواہشات کا اظہار کیا۔

روس کے صدر ولادیمیر پوتن نے کہا کہ روس اور پاکستان کے تعلقات کامیابی کے ساتھ فروغ پا رہے ہیں، دونوں ممالک سیاسی، تجارتی، اقتصادی، انسانی ہمدردی اور دیگر شعبوں میں نتیجہ خیز تعاون جاری رکھے ہوئے ہیں۔

یہ بھی پڑھئے: یومِ آزادی پاکستانی عوام کی جرأت، عزم، مضبوط جذبے کی عکاسی کرتا ہے: روس

ولادیمیر پوتن نے کہا کہ روس اور پاکستان کے مابین اہم علاقائی اور عالمی امور پر بھی باہمی تعاون جاری ہے، یقین ہے کہ دونوں ملک اپنے عوام کے باہمی مفاد میں دوطرفہ شراکت داری کے تمام شعبوں کو مزید مضبوط بنائیں گے۔

بحرینی ولی عہد

ادھر بحرین کے ولی عہد اور وزیراعظم شہزادہ سلمان بن حمد الخلیفہ نے پاکستان کے یوم آزادی پر مبارکباد دی۔

شہزادہ سلمان بن حمد نے صدر آصف علی زرداری اور وزیراعظم محمد شہباز شریف کو بھی یوم آزادی پر مبارکباد کا پیغام پیش کیا۔