تازہ ترین
  • بریکنگ :- احساس کوئی بھوکا نہ سوئے پروگرام کا3 شہروں میں آغاز
  • بریکنگ :- اسلام آباد: وزیراعظم عمران خان بھی تقریب میں شریک
  • بریکنگ :- پروگرام کےتحت مزدوروں کو مفت کھانا دیاجائےگا
  • بریکنگ :- پروگرام کاپائلٹ پروجیکٹ چند ہفتے پہلے شروع کیاگیاتھا
  • بریکنگ :- کھانے کی فراہمی اورتیاری ٹرک کچن کےذریعے کی جائےگی
  • بریکنگ :- سال کےآخر تک پروگرام کو مزید شہروں میں وسعت دی جائےگی

ڈاکٹر فہمیدہ مرزا کی پاکستان فٹبال فیڈریشن کی معطلی ختم کرنے کی اپیل

Published On 07 April,2021 10:36 pm

اسلام آباد: (دنیا نیوز) وفاقی وزیر بین الصوبائی رابطہ ڈاکٹر فہمیدہ مرزا نے فیفا کی جانب سے معطلی پر ردعمل دیتے ہوئے کہا ہے کہ پاکستان فٹبال فیڈریشن کی معطلی انتہائی تکلیف دہ ہے۔

ڈاکٹر فہمیدہ مرزا کی جانب سے جاری بیان میں کہا گیا ہے کہ پی ایف ایف کی معطلی فٹبال کے لاکھوں شائقین کیلئے جھٹکا ہے۔ فیفا نے جلد بازی میں معطلی کا قدم اٹھایا۔

ان کا کہنا تھا کہ حکومت پاکستان نے پہلے ہی فٹبال ہاؤس پر قبضے کی مذمت کی۔ دونوں فریقین کے درمیان بات چیت کی کوشش کر رہے ہیں۔ نارملائزیشن کمیٹی کو بھی فیفا ہدایات کی روشنی میں انتخابات کا روڈ میپ دینے کا کہا ہے۔

وفاقی وزیر نے کہا کہ فیفا کے فیصلے نے فٹبال کمیونٹی کو دکھی کر دیا ہے۔ پی ایف ایف اور نارملائزیشن کمیٹی آزاد ادارے ہیں۔ درخواست ہے کہ فریقین معاملہ بات چیت کے ذریعے حل کریں۔

فہمیدہ مرزا نے فیفا سے پاکستان فٹبال فیڈریشن کی معطلی ختم کرنے کی اپیل کرتے ہوئے یقین دہانی کرائی ہے کہ معاملے کے حل کے لیے ہر ممکن تعاون کریں گے۔