تازہ ترین
  • بریکنگ :- مکہ کےنائب گورنر شہزادہ بدربن سلطان السعودنےوزیراعظم کااستقبال کیا
  • بریکنگ :- وزیراعظم عمران خان عمرہ کی سعادت کیلئےجدہ سےمکہ مکرمہ روانہ ہوں گے
  • بریکنگ :- وزیراعظم عمران خان وفدکےہمراہ جدہ پہنچ گئے

چار سو میٹر رکاوٹوں کی دوڑ، امریکی ایتھلیٹ نے نیا عالمی ریکارڈ قائم کر دیا

Published On 04 August,2021 06:51 pm

ٹوکیو: (دنیا نیوز) امریکی خاتون ایتھلیٹ سڈنی میک لافلن نے 400 میٹر رکاوٹوں کی دوڑ میں طلائی تمغہ جیت کر نیا عالمی ریکارڈ قائم کر دیا ہے۔

تفصیل کے مطابق اولمپک گیمز میں کانٹے دار مقابلوں کا سلسلہ جاپان کے دارالحکومت ٹوکیو میں اپنے عروج کو پہنچ چکا ہے۔ بدھ کو خواتین کی 400 میٹر رکاوٹوں کی دوڑ کے فائنل معرکہ میں امریکہ کی سڈنی میک لافلن ناصرف فتح حاصل کرتے ہوئے طلائی تمغہ حاصل کیا بلکہ اپنا ہی عالمی ریکارڈ بھی توڑ دیا۔

سڈنی میک لافلن نے مطلوبہ فاصلہ 51.46 سیکنڈ میں طے کر کے گولڈ میڈل حاصل کیا جبکہ عالمی چیمپئن اور 2016ء کے اولمپک میں طلائی تمغہ جیتنے والی امریکی دلیلہ محمد نے مطلوبہ فاصلہ 51.58 سیکنڈ میں طے کر کے چاندی کا تمغہ جیتا۔ ہالینڈ کی فیمکے بول نے 52.03 سیکنڈ میں کانسی کا تمغہ حاصل کیا۔