لاہور: (دنیا نیوز) آن لائن ورلڈ جوجسٹو ٹورنامنٹ میں پاکستانی کھلاڑی چھا گئے، مقابلوں میں 7 گولڈ اور 4 سلور میڈل جیت لیے۔
ورچوئل ٹورنامنٹ میں پاکستان کی ایشل فاطمہ، مشل فاطمہ، ردا سلمان، سحر اعجاز، حفضہ، احد، محمد عبداللہ اور علی اعجاز نے گولڈ میڈل اپنے نام کیے جبکہ زین العابدین، افیف الحسن، عمر سعید اور علی مختار نے سلور میڈل جیت لیے۔
کھلاڑیوں نے کہا ہم چاہتے ہیں کہ حکومت ایسے تمام کھلاڑیوں، کوچز کی سرکاری سطح پر پذیرائی کرے۔ کھلاڑیوں نے مزید محنت جاری رکھنے کے عزم کا بھی اظہار کیا۔
