لاہور:(دنیا نیوز)تیسرے انٹرنیشنل پیسز مقابلے میں پاک آرمی کے محمد عرفان نے 1206 پُش اپس کر کے پہلی ، سپاہی محمد ادریس نے دوسری اور سری لنکا کے اوبیسری نے تیسری پوزیشن حاصل کرلی۔
پاک آرمی کے زیر اہتمام لاہور میں تیسرے انٹرنیشنل پیسز مقابلوں کے پانچویں روز 16 ٹیموں میں پُش اپس کا دلچسپ مقابلہ ہوا،مجموعی طور پر 160 کھلاڑیوں نے حصہ لیا جن میں پاک فوج کے 90 جبکہ 70 بین الاقوامی کھلاڑی شامل تھے۔
پاک آرمی کے محمد عرفان نے 1206 پش اپس کر کے پہلی پوزیشن حاصل کی ، سپاہی محمد ادریس دوسرے جبکہ سری لنکا کے اوبیسری تیسرے نمبر پر آئے۔
بعدازاں مہمان کھلاڑیوں نے لاہور کے تاریخی مقامات اور واہگہ بارڈر کا دورہ بھی کیا۔
