بھوبنیشور:(دنیا نیوز)ہاکی کے میدان سے بھی اچھی خبر آگئی اور قومی جونیئر ٹیم نے پریکٹس میچ میں چلی کو شکست دے دی ہے۔
بھارتی شہر بھوبنیشور میں پاکستان جونیئرز ہاکی ٹیم نے ورلڈکپ سے پہلے چلی کے خلاف پریکٹس میچ 0-3 گول سے جیت لیا ہے۔
پریکٹس میچ میں پاکستان کے کپتان رانا وحید، عبدالحنان اور معین شکیل نے گول سکور کئے جبکہ میچ کے اختتام پر پنالٹی شوٹ آؤٹس کے دو سیشن بھی منعقد ہوئے، جس میں پاکستانی حریف ٹیم کو چار ایک اور پانچ دو سے شکست دی۔
یاد رہے کہ قومی جونیئر ہاکی ورلڈکپ 24 نومبر سے شروع ہو گا، جس میں پاکستان جونیئرز ہاکی ٹیم جرمنی کے خلاف اپنا پہلا میچ کھیلے گی۔
