لاہور: (ویب ڈیسک) پاکستان کے سید نبیل حسن رضوی نے چار سیکنڈ میں سب سے طویل نمبر ترتیب دینے کا گنیز ورلڈ ریکارڈ توڑ دیا۔
فیوچرسٹک لرننگ یو ایس اے انسٹی ٹیوٹ کی نبیل کی کوچ ثانیہ عالم نے کہا کہ نبیل نے صرف چار سیکنڈ میں 30 بے ترتیب نمبرز کو یاد کر لیا اور ترتیب کے ساتھ صحیح طریقے سے یاد کیا۔
انہوں نے بتایا کہ نبیل نے وہ ریکارڈ توڑ دیا ہے جو اس سے قبل مارچ 2022 میں ایک بھارتی نے 28 نمبروں کے حفظ کے ساتھ قائم کیا تھا، نبیل کئی سالوں سے میرے ساتھ اپنی یادداشت کی مہارت کی تربیت کر رہا ہے، اس نے ورلڈ میموری چیمپئن شپ سمیت مختلف بین الاقوامی دماغی کھیلوں کے مقابلوں میں بھی حصہ لیا ہے۔
ثانیہ نے کہا کہ نبیل جونیئر یو کے میموری چیمپئن 2019 اور یو کے مائنڈ میپنگ چیمپئن شپ 2019 کے کانسی کا تمغہ جیتنے والے تھے۔
بڑی کامیابی پر تبصرہ کرتے ہوئے نبیل نے کہا اپنی ذہنی صلاحیت کی رکاوٹوں کو توڑنے کے قابل ہونا اور دماغ کی پروسیسنگ کی طاقتوں کو صحیح طریقے سے تربیت دینے پر یہ دیکھنا بہت اچھا لگتا ہے۔
خیال رہے کہ چار سیکنڈ میں یاد کیا جانے والا سب سے طویل نمبر 30 تھا اور نبیل نے 27 جون کو کراچی، پاکستان میں حاصل کیا۔
سید کئی سالوں سے اپنی یادداشت کی تربیت کر رہے ہیں، اس نے ورلڈ میموری چیمپئن شپ سمیت مختلف بین الاقوامی دماغی کھیلوں کے مقابلوں میں حصہ لیا ہے۔
