انگلش کرکٹر بین سٹوکس نے سوشل میڈیا پر زخمی چہرے کی تصویر کے ساتھ مسکراہٹ کا ایموجی لگایا، ان کی دائیں آنکھ سوجھی ہوئی ہے اور نیل بھی پڑ گیا ہے، کرکٹر کے چہرے پر کٹس بھی لگے ہوئے ہیں، جبکہ ناک میں ٹشو کا ٹکڑا لگا ہوا ہے۔

رپورٹس میں بتایا گیا ہے کہ بین سٹوکس ڈرہم میں قائم انڈور ٹریننگ فسیلیٹی میں زخمی ہوئے ہیں جہاں وہ بیٹنگ یا باؤلنگ نہیں کر رہے تھے بلکہ ایک طرف کھڑے تھے اور گیند کو اپنے چہرے کی طرف آتے ہوئے نہیں دیکھ پائے۔

خیال رہے کہ اس سے قبل انگلینڈ ٹیسٹ ٹیم کے کپتان آسٹریلیا کے خلاف ایشز سیریز کے دوران بھی زخمی ہوگئے تھے اور اِس وقت وہ اپنی پہلے والی انجری سے بحالی کے مرحلے میں ہیں۔