خیال رہے کہ مہمان ٹیم کا پہلے ٹیسٹ سے قبل یہ واحد پریکٹس میچ ہے۔ پیٹرنز الیون میں پاکستان ٹیسٹ ٹیم کے سات کھلاڑی شامل ہیں۔

پی سی بی کی جانب سے جاری کی گئی ویڈیو میں پیٹرنز الیون کے کپتان سعد بیگ نے کہا کہ جب وائٹ بال سے ریڈ بال کے فارمیٹ پر آتے ہیں تو ایک مختلف مائنڈ سیٹ ہوتا ہے۔

انہوں نے کہا کہ میرا انداز یہی ہوتا ہے کہ اپنا گیم نیچرل رکھوں، ریڈ بال میں کھلاڑی کے پاس وقت ہوتا ہے اور وہاں کنڈیشن مختلف ہوتی ہیں۔

 

— Pakistan Cricket (@TheRealPCB) November 3, 2026

سعد بیگ نے کہا کہ ہماری تیاری اچھی ہے، بطور کپتان مجھے فخر محسوس ہورہا ہوں۔

دوسری جانب پی سی بی پیٹرنز الیون کے ہیڈ کوچ اعجاز احمد جونیئر نے کہا کہ جتنے بھی یہاں کھلاڑی ہیں وہ پہلے سے ڈومیسٹک کرکٹ کھیل کر آئے ہیں ان کے لیے یہ اچھا موقع ہے۔

اپنے خیالات کا اظہار کرتے ہوئے اعجاز احمد جونیئر نے کہا کہ اس میچ سے کھلاڑیوں کو آگے کے لیے بہت فائدہ ہوگا کہ ان کو تیاری کے لیے اچھا موقع ملا ہے۔