تازہ ترین
  • بریکنگ :- تحریک انصاف کا 25 مئی کو لانگ مارچ کا اعلان
  • بریکنگ :- 25 مئی کو 3 بجےسری نگرہائی وے پرملوں گا،عمران خان
  • بریکنگ :- ہرمکتبہ فکرکےلوگ لانگ مارچ میں شرکت کریں،عمران خان
  • بریکنگ :- اسمبلیوں کی تحلیل اورشفاف الیکشن کی تاریخ چاہیے،عمران خان
  • بریکنگ :- اسمبلی تحلیل اورالیکشن کی تاریخ ملنےتک اسلام آباد رہیں گے،عمران خان
  • بریکنگ :- بیوروکریسی نےغیرقانونی کارروائی کی توایکشن لیں گے ،عمران خان
  • بریکنگ :- فوج کوکہتاہوں آپ نیوٹرل ہیں،نیوٹرل ہی رہیں،عمران خان
  • بریکنگ :- ہم نےجیل سےنہیں ڈرنا،جان کی قربانی دینی ہے،عمران خان
  • بریکنگ :- باربارکہا جاتاہے جان کو خطرہ ہے،کوئی خطرہ نہیں،عمران خان
  • بریکنگ :- ہم جان کی قربانی دینے کیلئے تیارہیں،عمران خان
  • بریکنگ :- غلام بننے سے بہتر موت قبول ہے،عمران خان
  • بریکنگ :- ہم چوروں کو کبھی تسلیم نہیں کریں گے،عمران خان
  • بریکنگ :- خوف ہےیہ لوگ پٹرول ،ڈیزل ،انٹرنیٹ بندکردیں گے،عمران خان
  • بریکنگ :- انٹرنیٹ،پٹرول ،ٹرانسپورٹ بندہو گی،پہلےسےتیاری رکھیں،عمران خان

امریکی عدالت نے ٹک ٹاک پر پابندی کے احکامات معطل کر دیئے

Published On 31 October,2020 07:14 pm

نیو یارک: (ویب ڈیسک) امریکا کی عدالت نے حکومت کی جانب سے آئندہ ماہ 12 نومبر کو چینی شارٹ ویڈیو شیئرنگ ایپلی کیشن ٹک ٹاک پر پابندی کے احکامات کو معطل کردیا۔

اس سے قبل عدالت نے امریکی حکومت کی جانب سے 27 ستمبر سے امریکا میں ٹک ٹاک کی ڈاؤن لوڈنگ پر پابندی کا حکم بھی معطل کردیا تھا۔

امریکا کے محکمہ کامرس نے صدر ڈونلڈ ٹرمپ کی ہدایات کے بعد ستمبر کے وسط میں ٹک ٹاک کی ڈاؤن لوڈنگ پر 27 ستمبر سےپابندی جب کہ 12 نومبر سے اس کی امریکا میں مکمل پابندی کے احکامات جاری کیے تھے۔

تاہم واشنٹگٹن کی عدالت نے پہلے 28 ستمبر کو ٹک ٹاک کی ڈاؤن لوڈنگ کے احکامات کو معطل کیا تھا اور اب پنسلوانیا کی عدالت نے چینی ایپلی کیشن کی بندش سے متعلق بھی امریکی حکومت کے احکامات معطل کردیے۔

برطانوی خبر رساں ادارے رائٹرز نے اپنی رپورٹ میں بتایا کہ امریکی ریاست پنسلوینیا کی ضلع عدالت نے کامرس ڈیپارٹمنٹ کے 12 نومبر کو ٹک ٹاک پر پابندی کے احکامات کو معطل کردیا۔

عدالت نے اپنے مختصر فیصلے میں محکمہ کامرس کے ٹک ٹاک پر پابندی سے متعلق اٹھائے جانے والے ہر طرح کے احکامات کو معطل کردیا۔

عدالت کا کہنا تھا کہ ٹک ٹاک پر پابندی سے امریکا کے 10 کروڑ سے زائد صارفین متاثر ہوں گے جو مذکورہ ایپ کو یومیہ بنیادوں پر استعمال کرتے ہیں۔

عدالتی فیصلے پر فوری طور پر محکمہ کامرس اور امریکی حکومت نے کوئی رد عمل نہیں دیا۔ ٹک ٹاک کی امریکا میں پابندی سے متعلق کیس کا حتمی فیصلے بھی امریکی انتخابات کے بعد سنائے جانے کا امکان ہے۔

ٹک ٹاک نے اپنی بندش کے خلاف واشنٹگٹن کے کولمبیا ضلع کی عدالت میں درخواست دائر کر رکھی ہے، جس نے ستمبر میں ٹک ٹاک کی ڈاؤن لوڈنگ پر پابندی سے متعلق امریکی حکومت کے فیصلوں کو معطل کردیا تھا۔

علاوہ ازیں ٹک ٹاک نے امریکا میں بہتر معاملات کے لیے وہاں کی دو کمپنیوں اوریکل اور وال مارٹ کے ساتھ کام کرنے کا عندیہ بھی دیا ہے۔

امریکی حکومت چاہتی ہے کہ امریکی ٹک ٹاک صارفین کا ڈیٹا اور ٹک ٹاک کے امریکا سے متعلق دیگر معاملات امریکا سے ہی دیکھے جائیں۔

اس لیے امریکی صدر نے ٹک ٹاک کو اگست میں دھمکی دی تھی کہ وہ اپنے امریکی اثاثے کسی امریکی کمپنی کو فروخت کرے، ورنہ دوسری صورت میں ٹک ٹاک پر امریکا میں پابندی عائد کردی جائے گی۔

ٹک ٹاک نے امریکی صدر کی دھمکیوں اور حکومتی سختیوں کے بعد ہی اوریکل اور وال مارٹ کے ساتھ امریکا میں کام کرنے کا عندیہ دیا تھا، تاہم تاحال ان تینوں کے کمپنیوں کے درمیان کوئی حتمی معاہدہ نہیں ہوا۔

لیکن خیال کیا جا رہا ہے کہ تین نومبر کو ہونے والے امریکی انتخابات کے بعد امریکا میں ٹک ٹاک پر پابندی لگانے یا نہ لگانے سے متعلق معاملہ حل ہوجائے گا۔