اسلام آباد:(دنیانیوز) پاک بھارت کشیدگی نیشنل سائبر کرائم ایجنسی (این سی سی آئی اے) نے ریاست مخالف آن لائن مہم کی تحقیقات شروع کر دیں۔
سائبر کرائم ایجنسی کے مطابق سوشل میڈیا پر 500 مشتبہ اکاؤنٹس کی نشاندہی کی گئی ہے جس پر بھارت کے ساتھ کشیدگی کے دوران منظم پروپیگنڈا کیا جا رہا ہے۔
این سی سی آئی اے نے بتایا کہ ایجنسی مشتبہ اکاؤنٹس کی ڈیجیٹل سرگرمیوں کی تحقیقات کر رہی ہے اور نادرا کے ساتھ مل کر چہرہ شناسی کے ذریعے شناخت کا عمل جاری ہے ۔
سائبر کرائم ایجنسی کا مزید کہنا ہے کہ تصدیق کے بعد ذمہ دار افراد کے خلاف سخت قانونی کارروائی ہوگی، ریاست کو عدم استحکام کا شکار کرنے والوں کو بخشا نہیں جائے گا، ریاست مخالف بیانیے پھیلانے والوں کو قانون کا سامنا کرنا ہوگا۔
