نئی دہلی: (روزنامہ دنیا) بھارت میں کرونا وائرس کو ابھی بھی سنجیدہ نہیں لیا جا رہا اور لوگوں کی جانب سے مسلسل غیر سنجیدگی کا مظاہرہ کیا جارہا ہے، ایک نوجوان نے تو غیر سنجیدگی کی انتہا ہی کر دی۔
میڈیا رپورٹ کے مطابق ریاست ہریانہ میں ایک نوجوان کو اس کی گرل فرینڈ نے دھوکہ دیا تھا، اس نوجوان میں گزشتہ دنوں کرونا وائرس کی تصدیق ہوئی جس کے بعد اس نے گرل فرینڈ سے بدلہ لینے کا فیصلہ کیا۔
مریض نوجوان ہسپتال جانے کی بجائے کسی طرح لڑکی تک پہنچا اور اس کے قریب جا کر چھینک کر فرار ہو گیا۔اس واقعہ سے علاقے میں خوف و ہراس پھیل گیا ہے کیونکہ یہ وائرس ایسے ہی ایک انسان سے دوسرے میں منتقل ہوتا ہے۔
