تازہ ترین
  • بریکنگ :- اسلام آباد:قومی بچت اسکیموں کی شرح منافع میں کمی
  • بریکنگ :- ریگولرانکم سرٹیفکیٹس پرشرح منافع9.36سے 9.24کردی گئی،نوٹیفکیشن
  • بریکنگ :- اسپیشل سیونگزسرٹیفکیٹس پرشرح منافع 8.87سے 8.75کردی گئی
  • بریکنگ :- 6ماہ کےشارٹ ٹرم سرٹیفکیٹس پرشرح منافع7.30سے 7.20کردی گئی
  • بریکنگ :- 3ماہ کےشارٹ ٹرم سرٹیفکیٹس پرشرح منافع 6.92سے 7.04کردی گئی
  • بریکنگ :- ڈیفنس سیونگزسرٹیفکیٹس پرشرح منافع برقراررہےگی،نوٹیفکیشن
  • بریکنگ :- بہبود،شہداء اورپنشنرزسرٹیفکیٹس پرشرح منافع برقراررہےگی،نوٹیفکیشن
  • بریکنگ :- اسلام آباد:سیونگزاکاؤنٹ پرشرح منافع برقراررہےگی،نوٹیفکیشن
  • بریکنگ :- ایک سال کےشارٹ ٹرم سرٹیفکیٹس پرشرح منافع برقراررہےگی،نوٹیفکیشن
  • بریکنگ :- شرح منافع میں تبدیلی کااطلاق 7مئی سےہوگا،نوٹیفکیشن
  • بریکنگ :- وزارت خزانہ نےشرح منافع میں ردوبدل کانوٹیفکیشن جاری کردیا

شوہر نے بیوی کی شادی محبوب سے کروا کر سب کو حیران کر دیا

Published On 03 May,2021 06:15 pm

نئی دہلی: (ویب ڈیسک) بھارت سے ایک انوکھی خبر نے سب کو ورطہ حیرت میں ڈال دیا ہے، جہاں پر ایک شہری نے بیوی کی شادی محبوب سے کروا کر سب کو حیران کر دیاہے۔

اب تک ہم بھارتی فلموں میں ہی دیکھتے آئے تھے کہ بھارتی فلم دل دے چکے صنم میں ہیرو اجے دیوگن اپنی اہلیہ ایشوریہ رائے کی شادی اس کے محبوب سے کروانے کے لیے مکمل طور پر تیار ہوگئے تھے لیکن اب حقیقت میں ایک بھارتی شخص نے اپنی بیوی کی شادی اس کے محبوب سے کروا کر سب کو حیران کر دیاہے۔

بھارتی میڈیا کے مطابق بھارتی ریاست بہار کے شہر بھاگل پور سے تعلق رکھنے والے اتم منڈل اور سپنا کی شادی 2014ء میں شادی ہوئی اور جوڑے کے دوبچے بھی ہیں۔ شادی کے کچھ عرصے بعد سپنا کو شوہر کے کم عمر رشتے دار راجو کمار سے محبت ہو گئی اور دونوں نے بھاگنے کا فیصلہ بھی کر لیا۔

تاہم اس محبت کا علم جب سپنا کے شوہر کو ہوا تو پہلے پہل دونوں کئی بار جھگڑے تاہم بعد ازاں سپنا کے اپنی ضد پر اڑے رہنے کے باعث اتم نے بیوی کی محبت کو پانے میں اس کی مدد کرنے کا فیصلہ کیا۔

بھارتی میڈیا سے گفتگو کرتے ہوئے سپنا کے شوہر اتم نے بتایا کہ پہلے پہل تو وہ افسردہ ہوئے تاہم پھر اس مسئلے کا حل نکالنے کا سوچا، اتم کے مطابق اگر وہ ایسا نہ کرتے تو 3 لوگوں کی زندگیاں برباد ہو جاتیں، یہی وہ واحد حل تھا جس کے بعد ہم سب خوش رہ سکتے ہیں۔

کئی سالوں تک اتم اور سپنا کے گھر والے سپنا کو اپنا گھر خراب نہ کرنے اور اتم کے ساتھ رہنے پر مجبور کرتے رہے لیکن اتم کی کوششیں رائیگاں نہیں گئیں اور بالاخر اتم نے گھر والوں کو سپنا کی اس کے محبوب سے شادی میں شرکت کرنے پر رضامند کر لیا۔

تاہم اب تک یہ واضح نہیں ہو سکاہے کہ راجو اور سپنا کی شادی سے قبل اتم سپنا کو طلاق دے چکے تھے یا نہیں، بھارتی میڈیا کے مطابق جوڑے کے دونوں بچے والد کے پاس ہیں کیونکہ سپنا نے بچوں کو اپنے ساتھ رکھنے سے انکار کر دیا تھا۔