تازہ ترین
  • بریکنگ :- سعودی ترقیاتی فنڈ پاکستان کو سپورٹ اور کورونا سے 3ارب ڈالر دےگا،خبرایجنسی
  • بریکنگ :- سعودی عرب تیل کیلئے پاکستان کو سال کےدوران 1.2ارب ڈالر فراہم کرے گا،خبرایجنسی
  • بریکنگ :- فنڈ برادر ملک پاکستان کیلئےسعودی عرب کےموقف کا پختہ ثبوت ہے،سعودی ترقیاتی فنڈ

510 کلو وزنی نیلم کا پتھر حادثاتی طور پر دریافت، قیمت 16 ارب

Published On 29 July,2021 05:03 pm

کولمبو: (ویب ڈیسک) سری لنکا میں ایک گھر میں کنویں کی کھدائی کے دوران بڑا پتھرملا ہے جس پرنیلم پتھر چسپاں ہیں اور ابتدائی مالیت دس کروڑ ڈالر (16 ارب روپے کے برابر) ہے۔

برطانوی خبر رساں ادارے بی بی سی کی رپورٹ کے مطابق سری لنکا کی متعلقہ اداروں نے بتایا کہ شاید یہ دنیا کا سب سے بڑا ذخیرہ ہے جہاں اعلیٰ معیار کے نیلم اتنی بڑی تعداد میں ایک ہی جگہ جمع ہیں۔ بیضوی پتھر کا کل وزن 500 کلوگرام سے زائد ہے جس پر لگ بھگ 25 لاکھ قیراط کے قیمتی پتھر جرے ہیں۔

مقامی افراد نے بتایا کہ پتھر رتنا پورا کے علاقے میں مکان کے عقب میں کنویں کی کھدائی کے دوران برآمد ہوا ہے۔

واضح رہے کہ یہ علاقہ پہلے ہی نیلم کے ذخائر کی وجہ سے عالمی شہرت رکھتا ہے۔

جوہری ماہرین نے’قسمت والا نیلم‘ کا نام دیا ہے جس پر لگے جواہر کی رنگت ہلکی نیلی ہے۔ گھر، پتھر کے مالک گمج نے بتایا کہ پہلے کنواں کھودنے والے نے مجھے بتایا کہ اسے کچھ نایاب نیلم ملے ہیں جنہیں ’سٹار سیفائر‘ بھی کہا جاتا ہے۔ گمج کی تیسری نسل جواہرات کے کاروبار سے منسلک ہے۔ پتھر اور مٹی کے اس ڈھیر کو صاف کرکے نیلم نکالنے میں ایک سال کا عرصہ لگا ہے۔

صفائی کے دوران متواتر پتھر گرتے رہے اور سب بہت بلند معیار کے تھے تاہم ان کی تصدیق اور سرٹفکیشن کا عمل اب بھی باقی ہے۔ جہاں سے یہ ذخیرہ ملا ہے اس کا نام رتنا پورا ہے جس کے معنی ’جواہرات کے شہر‘ کے ہیں۔ سری لنکا نے گزشتہ برس ہیرے جواہرات کی فروخت اور تراش خراش سے نصف ارب ڈالر کمائے ہیں۔

تاہم دیگر ماہرین نے کہا ہے کہ انہوں نے نیلم کا اتنا بڑا ذخیرہ پہلے کبھی نہیں دیکھا تھا۔ اگرچہ اب بین الاقوامی ماہرین اس کا جائزہ لیں گے لیکن توقع ہے کہ یہ ذخیرہ سری لنکا کی معیشت میں بہتری کی وجہ بنے گا۔