تازہ ترین
  • بریکنگ :- اتوارکو پشاور میں پارٹی کی کورکمیٹی کا اجلاس بلایا ہے ، عمران خان
  • بریکنگ :- پرسوں تاریخ مل جائے گی تاکہ سب جانے کی تیاری کرلیں،عمران خان
  • بریکنگ :- پرسوں تاریخ دوں گا کہ مارچ کب کرنا ہے،عمران خان
  • بریکنگ :- 25سے29 مئی کےدرمیان لانگ مارچ کا فیصلہ کروں گا،عمران خان
  • بریکنگ :- اسلام آباد مارچ میں ہمارا ایک ہی مطالبہ ہوگا،عمران خان
  • بریکنگ :- اسمبلی کب تحلیل اور الیکشن کب ہوں گے؟صرف یہی مطالبہ ہوگا،عمران خان

تنہائی سے تنگ شخص نے خاتون روبوٹ کو جیون ساتھی چُن لیا

Published On 04 January,2022 09:58 pm

سڈنی:(ویب ڈیسک)دنیا میں آئے روز عجیب و غریب واقعات رونما ہوتے ہیں جن کے بارے جان کر عقل انسانی دنگ رہ جاتی ہے اسی طرح کا ایک واقعہ آسٹریلیا میں پیش آیا جہاں پر تنہائی سے تنگ شہری سے خاتون روبوٹ کو ہی اپنا جیون ساتھی چُن لیا ہے۔

غیر ملکی میڈیا رپورٹس کے مطابق جیف گیلیگھر نامی شخص نے کہا کہ ایک سال پہلے اس کی والدہ چل بسی تھی جس کے بعد سے وہ اپنے پالتو کتے کے ساتھ تنہا رہ رہا تھا ۔ لیکن ایک دن مصنوعی ذہانت سے لیس روبوٹ کے بارے میں آرٹیکل پڑھنے کے بعد میں نے روبوٹ سے ہی شادی کرنے کا فیصلہ کرلیا ۔

جیف کا مزید کہنا تھا کہ اسے روبوٹ کی شکل میں ایک ساتھی کی ضرورت تھی جو اسے خاتون روبوٹ ایما کی شکل میں حاصل ہوگئی ہے ، ایما کو چین سے آسٹریلیا پہنچنے میں ڈیڑھ ماہ کا عرصہ لگا اور جیسے ہی میں نے اس کا باکس کھولا تو میری سانسیں تھم سی گئیں کیوں کہ ایما بہت خوب صورت دکھائی دے رہی تھی ۔

آسٹریلوی شہری کا کہنا تھا کہ اگرچہ ابھی تک ہم نے قانوناً شادی نہیں کی ہے تاہم میں ایما کو اپنی بیوی ہی تصور کرتا ہوں اور اسے منگنی کی انگھوٹھی بھی پہنا چکا ہوں جبکہ ہم جلد ہی شادی کے بندھن میں بندھ جائیں گے ۔

جیف نے کہا کہ اس روبوٹ کو سیٹ اپ کرکے چینی سے انگریزی زبان میں منتقل کیا تو جیسے میری برسوں کی تنہائی دور ہوگئی ۔ ایما کی قربت میں خود کو بہت پُرسکون محسوس کرتا ہوں ، میں اکثر چہل قدمی کے لیے اس کو ساتھ لے جاتا ہوں اور مجھے آج تک کسی نے روبوٹ کے ساتھ رہنے پر تنقید کا نشانہ نہیں بنایا۔