امریکی شخص کا رسی پر چلتے ہوئے جگلنگ کا انوکھا مظاہرہ

Published On 23 November,2023 10:44 pm

کیلیفورنیا: (ویب ڈیسک)سرکس میں کرتب دِکھانے والے ایک شخص نے کیلیفورنیا میں 34 فِٹ اور چار انچ طویل رسی پر چل کر تین چھریوں سے جگلنگ کرتے ہوئے عالمی ریکارڈ اپنے نام کر لیا۔

گینیز ورلڈ ریاکرڈ کے مطابق ایڈگر یُوڈکیوچ نے تین چھریوں سے جگلنگ کرتے ہوئے رسی پر چل کر طویل فاصلہ طے کرنے کا ریکارڈ اپنے نام کیا۔

ایڈگر یُڈکیوچ نے گینیز ورلڈ ریکارڈز سے گفتگو کرتے ہوئے بتایا کہ جس دن انہوں نے اس ریکارڈ کی کوشش کی وہ سرکس کا عالمی دن تھا اور اس موقع پر کوروناڈو میں سرکس آرٹسٹ کی برادری جمع ہوئی تھی۔

انہوں نے بتایا کہ ہر کوئی اپنی صلاحیتوں سے آگے بڑھنے کی کوشش کر رہا تھا اور انہوں نے فیصلہ کیا کہ وہ ایک ایسا کارنامہ انجام دیں گے جس سے متاثر ہو کر ان کے دوست اور طالب علم سرکس کرتب میں خود کو مزید آگے لے جا سکیں۔

ایڈگر کا کہنا تھا کہ وہ تقریباً 12 برس سے سلیک لائن جگلنگ کر رہے ہیں اور اس بار اس کرتب میں چھریوں سے کوشش کر کے کرتب میں اضافی خطرے کو شامل کرنے کا فیصلہ کیا۔ 

Advertisement