اورلینڈو: (ویب ڈیسک) امریکا میں چور نے گرفتاری کے ڈر سے تقریباً 22 کروڑ روپے کے ہیرے نگل لئے۔
غیر ملکی خبر رساں ادارے کی رپورٹ کے مطابق امریکا کے شہر اورلینڈو میں جیتھن لارنس گلائیڈر نامی 32 سالہ شہری نے 26 فروری کو اورلینڈو کے شاپنگ مال سے 769.000 کے ہیرے کی بالیوں کے دو جوڑے چوری کئے۔
جیتھن چوری کرنے کے بعد فرار ہوگیا جس کی گرفتاری کیلئے پولیس نے پیچھا کیا اور اسے گرفتار کر لیا لیکن اس کے پاس سے کچھ نہ نکلا۔
دوران تفتیش ملزم نے کہا کہ کیا مجھے میرے پیٹ میں کچھ ہونے کی وجہ سے گرفتار کیا گیا؟ جب پولیس نے جیتھن کا ایکسرے کیا جس کے بعد معلوم ہوا کہ اس کے ہاضمے کی نالی میں کوئی چیز موجود ہے۔
پولیس کی جانب سے شبہ ظاہر کیا گیا یہ چیز چرائے گئے قیمتی ہیرے ہیں جس کے بعد وہ ان ہیروں کو قدرتی طور پر باہر آنے کا انتظام کر رہے ہیں جبکہ ملزم پولیس کی گرفت میں ہے۔
