تازہ ترین
  • بریکنگ :- لاہور:جسٹس ساجدمحمودسیٹھی کااختلافی نوٹ
  • بریکنگ :- حمزہ شہبازکابطوروزیراعلیٰ انتخاب کالعدم قراردیاجاتاہے،اختلافی نوٹ
  • بریکنگ :- ‏حمزہ شہبازعہدےپررہےتومخالف فریق پرسیاسی برتری ہوگی،اختلافی نوٹ
  • بریکنگ :- 25منحرف ارکان کےووٹ نکالنےکےبعدحمزہ شہبازکےحق میں 172ووٹ رہ جاتےہیں،اختلافی نوٹ
  • بریکنگ :- ‏ہائیکورٹ کاڈویژنل بنچ شفاف،غیرجانبدارالیکشن کاحکم دینےکامجازہے،اختلافی نوٹ
  • بریکنگ :- دوبارہ انتخاب کاحکم سپریم کورٹ کےاحکامات نظراندازکرنےکےمترادف ہوگا،اختلافی نوٹ
  • بریکنگ :- ‏پنجاب اسمبلی اجلاس بلانےکیلئےضروری ہےارکان کووقت دیاجائے،اختلافی نوٹ
  • بریکنگ :- ‏پنجاب اسمبلی کااجلاس 2 جولائی شام 4 بجےبلایاجائے،اختلافی نوٹ
  • بریکنگ :- 2جولائی کواجلاس بلانےکامقصددورسےآنیوالےارکان کوسہولت دیناہے،اختلافی نوٹ
  • بریکنگ :- ‏دوبارہ انتخاب ان امیدواروں کےدرمیان ہوناچاہیےجنہوں نےزیادہ ووٹ لیے،اختلافی نوٹ

کراچی میں سٹاک مارکیٹ پر دہشتگرد حملے کی شدید مذمت کرتے ہیں: او آئی سی

Last Updated On 30 June,2020 05:22 pm

ریاض: (ویب ڈیسک) اسلامی تعاون تنظیم (او آئی سی) نے پاکستان سٹاک ایکسچینج پر دہشت گرد حملے کی شدید مذمت کی ہے۔

سعودی سرکاری خبر رساں ادارے کے مطابق اسلامی تعاون تنظیم کے ہیڈکوارٹر جدہ سے او آئی سی کے جنرل سیکریٹری ڈاکٹر یوسف بن احمد العثیمین نے تشدد کی ہر شکل کو مسترد کرتے ہوئے موقف کا اظہار کیا ہے۔

انہوں نے حکومت پاکستان اور عوام کے ساتھ اظہار یکجہتی کرتے ہوئے دہشت گردانہ حملے کو روکنے کی کارروائی میں ہلاک شدگان کے اعزہ سے دلی تعزیت اور زخمیوں کی جلد صحتیابی کے لیے دعا کی ہے۔

ڈاکٹر یوسف نے ہر طرح کی دہشت گردی، شدت پسندی اور انتہا پسندی کی مذمت کرتے ہوئے کہا ہے کہ اسلامی تعاون تنظیم کی جانب سے دہشت گردی کے انسداد کے لیے پاکستان کے ساتھ ہمیشہ تعاون جاری رہے گا۔

واضح رہے کہ پاکستان سٹاک مارکیٹ کے مرکزی دفتر پر 4 دہشت گردوں کی جانب سے حملے کی کوشش کی گئی تھی۔ سیکیورٹی فورسزنے حملے کی اس کوشش کو پسپا کرتے ہوئے چار وں دہشت گردوں کو بلڈنگ کے باہر ہی ہلاک کر دیا تھا۔

یاد رہے کہ کارروائی میں سب انسپکٹر سمیت راہگیر اور 3 سیکیورٹی گارڈ شہید ہو گئے تھے۔