سرینگر: (دنیا نیوز) مقبوضہ کشمیر میں قابض بھارتی فوج نے فائرنگ کر کے ایک کشمیری نوجوان کو شہید کردیا۔
مقبوضہ وادی کے ضلع بارہمولا میں ایک اور نو جوان بھارتی ریاستی دہشت گردی کا شکار ہوگیا، ہندوستانی فورسز نے سرچ آپریشن کی آڑ میں نہتے نو جوان کو گولی مار کر شہید کیا۔
کشمیر میڈیا سروس کے مطابق متعدد افراد کو بغیر کسی جرم کے حراست میں بھی لے لیا گیا، ایک سال سے جاری فوجی محاصرے میں متعدد کشمیریوں کو شہید کیا جاچکا ہے۔
