سرینگر: (دنیا نیوز) مقبوضہ کشمیر کےفوجی محاصرے کو 14 ماہ مکمل ہو گئے، اس دوران قابض بھارتی فوج نے 253 کشمیریوں کو شہید کیا، 14 ہزار سے زائد افراد کو گرفتار کیا گیا جبکہ 89، کشمیری خواتین کی عصمت دری کی گئی، کشمیر میڈیا سروس نے لرزہ خیز رپورٹ جاری کر دی۔
کشمیر میڈیا سروس کے مطابق مقبوضہ کشمیر کے غیر انسانی فوجی محاصرے کو 14 ماہ مکمل ہوگئے۔ قابض بھارتی فورسز نےمظلوم کشمیریوں پرظلم کےپہاڑ توڑ ڈالے۔ 14 ماہ کےفوجی محاصرے کے دوران بھارتی فوج نے 253 کشمیریوں کو شہید کیا۔ جن میں 9خواتین بھی شامل ہیں۔
کشمیر میڈیا سروس کی رپورٹ کے مطابق اس دوران بھارتی فوج کے مظالم سے 1 ہزار 498 افراد زخمی ہوئے، 14 ہزار سے زائد کشمیریوں کو گرفتار کیاگیا جبکہ 89 خواتین کی عصمت دری بھی کی گئی۔ انڈین فورسز نے 968 کشمیریوں کے گھر بھی منہدم کئے۔
