تازہ ترین
  • بریکنگ :- ٹاؤن کمیٹی کنڈیارو کے وارڈنمبر 11 کے پولنگ اسٹیشن کامکمل غیرحتمی نتیجہ
  • بریکنگ :- کنڈیارو: پیپلز پارٹی کے اکرم قریشی 650 ووٹ لے کر کامیاب
  • بریکنگ :- کنڈیارو:جے یو آئی کے عطااللہ 550 ووٹ لے کر دوسرے نمبر پر
  • بریکنگ :- نوکوٹ :ٹاؤن کمیٹی وارڈ نمبر 6 کامکمل غیرسرکاری غیر حتمی نتیجہ
  • بریکنگ :- نوکوٹ: آزاد امیدوار عرفان خورشید 384 ووٹ لے کر کامیاب
  • بریکنگ :- نوکوٹ:پیپلزپارٹی کے برکت کورائی 203 ووٹ لے کر دوسرے نمبر پر
  • بریکنگ :- پنوعاقل: میونسپل کمیٹی کےوارڈنمبر 6 کامکمل غیرسرکاری غیرحتمی نتیجہ
  • بریکنگ :- پنوعاقل : جےیو آئی کے پجارام 147 ووٹ لےکرکامیاب
  • بریکنگ :- پنوعاقل: پیپلزپارٹی کےعبدالجبارشیخ 83 ووٹ لےکر دوسرے نمبر پر
  • بریکنگ :- پنوعاقل:میونسپل کمیٹی کےوارڈنمبرون کا مکمل غیر حتمی نتیجہ
  • بریکنگ :- پنوعاقل : پیپلزپارٹی کےسلیم غنی 435 ووٹ لےکر کامیاب
  • بریکنگ :- پنوعاقل: جے یو آئی کے عبدالجلیل کلہوڑو 72 ووٹ لےکر دوسرے نمبر پر
  • بریکنگ :- جيکب آباد:میونسپل کمیٹی وارڈنمبر 16کا مکمل غیرحتمی نتیجہ
  • بریکنگ :- پیپلزپارٹی کے محمد آصف مغیری 1354ووٹ لےکرکامیاب
  • بریکنگ :- ٹی ایل پی کےسلمان قادری 282 ووٹ لےکر دوسرےنمبرپر
  • بریکنگ :- جیکب آباد : میونسپل کمیٹی وارڈ نمبر 5 کا مکمل غیرحتمی نتیجہ
  • بریکنگ :- جیکب آباد :پیپلزپارٹی کےغوث بخش مغیری 1359ووٹ لےکرکامیاب
  • بریکنگ :- جیکب آباد: آزاد امیدوار منور سومرو 439 ووٹ لے کر دوسرے نمبر پر
  • بریکنگ :- شہدادکوٹ: میونسپل کمیٹی کے وارڈ نمبر 6 کامکمل غیرحتمی نتیجہ
  • بریکنگ :- شہدادکوٹ:آزاد امیدوارکرم خان مگسی 642 ووٹ لےکر کامیاب
  • بریکنگ :- پیپلزپارٹی کے قربان علی سومرو 472 ووٹ لےکر دوسرے نمبر پر

سعودی عرب نے ترک جنگی ڈرون طیارے خریدنے کی درخواست کی ہے: اردوان

Published On 17 March,2021 06:30 pm

انقرہ، ریاض: (ویب ڈیسک) ترکی کے صدر رجب طیب اردوان نے کہا ہے کہ سعودی عرب نے ترک جنگی ڈرون طیارے خریدنے کی درخواست کی ہے۔

واضح رہے کہ ترکی اور سعودی عرب کے درمیان تعلقات 2017 میں اس وقت کشیدہ ہو گئے تھے جب خلیجی ریاستوں نے سعودی عرب کے دباؤ میں آ کر قطر کے ساتھ سفارتی تعلقات منقطع کر لئے تھے۔

انقرہ کے سعودی سفارتخانے میں اکتوبر 2018 میں سعودی نژاد امریکی صحافی جمال کے قتل کے بعد تعلقات مزید خراب ہو گئے۔ ترکی اور امریکی ایجنسی سی آئی اے اس قتل کی ذمہ داری سعودی ولی عہد محمد بن سلمان پر عائد کرتی ہے۔

ترک کابینہ کے اجلاس کے بعد میڈیا سے بات کرتے ہوئے ترک صدر رجب طیب اردوان نے سعودی عرب اور یونان کی مشترکہ فوجی مشقوں کے فیصلے پر سخت تنقید کرتے ہوئے کہا کہ سعودی عرب کو جنگی ڈرون طیارے فروخت کرنے کا فیصلہ مستقبل میں سعودی رویے پر منحصر ہے۔

ترک صدر نے کہا کہ ایک طرف سعودی عرب ترکی سے جنگی ڈرون طیارے خریدنے کی درخواست کر رہا ہے اور دوسری طرف ترکی کے دشمن یونان کے ساتھ مشترکہ فوجی مشقوں کی منصوبہ بندی بھی کی جا رہی ہے۔

انہوں نے کہا کہ ترکی اس معاملے کو خاموشی اور سفارتی بات چیت کے ذریعے حل کرنا چاہتا ہے۔ ترکی کسی بھی صورت سعودی عرب کے ساتھ معاملات کو خراب نہیں کرنا چاہتا۔

غیر ملکی میڈیا کے مطابق جنگی ڈرون طیاروں کی تیاری کے شعبے میں ترکی دنیا میں صف اول کے ممالک میں شامل ہو گیا ہے۔

آرمینیا اور آذربائیجان کی حالیہ جنگ میں ترکی کے جنگی ڈرون طیاروں نے اہم کردار ادا کیا۔ ترکی کے جنگی ڈرون طیاروں نے جنگ کا پانسہ پلٹ کر رکھ دیا تھا۔

سعودی عرب اور ترکی کے درمیان ملٹری ڈرون طیاروں کی تیاری کا ایک معاہدہ پہلے سے طے ہو چکا ہے۔ ترک نجی کمپنی ویستل نے سعودی عرب کے ساتھ یہ معاہدہ کچھ عرصہ پہلے کیا تھا۔

ترک صدر نے گذشتہ سال مشرق وسطیٰ کے ممالک اور خاص طور پر سعودی عرب کے ساتھ تعلقات بہتر کرنے کی کوششیں کی ہیں۔