ایتھنز: (دنیا نیوز) یونان کی پولیس نے معروف مصور پیبلو پکاسو کے چرائے گئے فن پارے برآمد کر لیے۔
یونانی پولیس حکام کا کہنا تھا کہ پکاسو کے یہ فن پارے 2012 میں ایتھنز کی نیشنل گیلری سے چرائے گئے تھے، انہیں فروخت کرنا ناممکن تھا، حکام نے 49 سالہ چور کو بھی گرفتار کر لیا۔
2012 میں کی گئی واردات میں 16 ویں صدی کے اطالوی مصور کی پینٹنگ بھی چوری کی گئی تھی، اسے بھی حاصل کرلیا گیا تاہم وہ اپنی اصل حالت میں نہیں ہے۔
