غزہ: (دنیا نیوز) حماس نے دعویٰ کیا ہے کہ حوثی باغیوں نے بحیرہ احمر میں اسرائیل کے بحری جہاز کو قبضے میں لے لیا ہے۔
حوثی فوج کے ترجمان یحییٰ ساریہ نے ویڈیو پیغام جاری کرتے ہوئے کہا ہے کہ بحیرہ احمر میں تمام اسرائیلی بحری بیڑوں کو نشانہ بنایا جائے گا، ترکیہ سے بھارت جانے والے جہاز پر عملے کے 52 افراد موجود ہیں، جہاز اسرائیلی ٹائیکون کی جزوی ملکیت ہے۔
یہ بھی پڑھیں: اسرائیل اور حماس کے درمیان جنگ بندی پرتاحال کوئی ڈیل نہیں ہوئی : وائٹ ہاؤس
بیروت میں حماس کے ترجمان اسامہ حمدان نے پریس بریفنگ کے دوران گفتگو کرتے ہوئے کہا ہے کہ غزہ میں اسرائیلی جنگ کی وجہ سے صیہونی جہاز کو قبضے میں لینا باعث فخر ہے، جہاز قبضے میں لینے پر حوثیوں کے شکر گزار ہیں۔
اسرائیلی میڈیا کے مطابق حوثی باغیوں کی جانب سے بحری جہاز قبضے میں لینے کا وزیر اعظم نیتن یاہو نے بھی اعتراف کر لیا اور اس پر مزید بات کرنے سے گریز کیا ہے، بحری جہاز ہائی جیک کرنا عالمی سطح پر بے حد تشویشناک واقعہ ہے۔
