غزہ میں مستقل جنگ بندی کی کوششیں کر رہے ہیں، قطر

دوحہ: (ویب ڈیسک) قطر کی وزارت خارجہ کا کہنا ہے کہ دوحہ غزہ میں عارضی نہیں مستقل جنگ بندی کی کوششیں کر رہا ہے۔

قطر کے وزیر خارجہ نے اس حوالے سے کہا کہ غزہ میں جنگ بندی کے قریب نہیں لیکن پُرامید ہیں، غزہ میں امداد کی فراہمی کےلیے زمینی راستے بلا رکاوٹ کُھلنے چاہئیں۔

ترجمان دفتر خارجہ کے مطابق غزہ میں سمندری راستے سے امداد کی فراہمی زمینی راستوں کا متبادل نہیں ہوسکتی۔