واشنگٹن: (دنیا نیوز) امریکا کا بڑے ممالک کے ساتھ تجارتی محاذ آرائی کا آغاز ہو گیا۔
امریکی صدر ڈونلڈ ٹرمپ نے چین، کینیڈا اور میکسیکو پر نئے ٹیرف کے اطلاق کے حکمنامے پر دستخط کردیئے۔
امریکی میڈیا رپورٹس کے مطابق کینیڈا سے امریکا برآمد کئے جانے والے سامان پر منگل سے25 فیصد ٹیرف عائد ہوگا، میکسیکو سے امریکا برآمد کی جانیوالی اشیاء پر بھی25فیصد ٹیکس نافذ ہوگا، چین سے امریکا بھیجی جانے والی اشیاء پر دس فیصد ٹیکس لگایا گیا ہے۔
وائٹ ہاؤس کی جانب سے واضح کیا گیا ہے کہ کسی کیلئے کوئی استثنیٰ نہیں ہے،کسی ملک نے ٹیرف پرردعمل دیا تو اس سے نمٹنے کی بھی تیاری ہے۔
