واشنگٹن: (دنیا نیوز) امریکی صدر ڈونلڈ ٹرمپ نے یورپی یونین پر زور دیا ہے کہ وہ چین اور بھارت پر سخت تجارتی اقدامات کرے اور ان ممالک پر 100 فیصد ٹیرف عائد کیے جائیں۔
ڈونلڈ ٹرمپ کا کہنا ہے کہ روس کی معیشت کو تیل کی فروخت سہارا دے رہی ہے، اس لیے امریکا یورپی یونین کے ساتھ مل کر ایسے ہی ٹیرف عائد کرے گا۔
انہوں نے واضح کیا کہ امریکا نے اس سے قبل بھارت پر ٹیرف دگنا کر دیئے تھے جبکہ یورپی یونین اب تک صرف پابندیوں کو ترجیح دیتی رہی ہے۔
دوسری جانب تجزیہ کاروں کا کہنا ہے کہ ٹرمپ کی یہ تجویز عالمی سطح پر تجارتی کشیدگی کو مزید بڑھا سکتی ہے، خصوصاً اس وقت جب عالمی معیشت پہلے ہی دباؤ کا شکار ہے۔
